खांडवी - कोकणातील गोड पदार्थ

साहित्य:
तांदूळ कण्या/रवा - २ वाट्या (कण्या नसतील तर तांदूळ धुवून सुकवायचे व नंतर मिक्सरमध्ये रवाळ
(जाडेभरडे) करायचे.)
गुळ: १ वाटी
पाणी: ४ वाट्या
तूप: ४ चमचे
मीठ : चिमुटभर
ओलं खोबरं : वड्यांवर घालण्यापुरतं, अंदाजे ४ चमचे

कृती:

• तांदूळ कण्या न मिळाल्यास तांदूळ धुवून वाळवून घ्यावेत व मिक्सरमधून कण्या राहतील इतपत बारीक करावेत.
• तूपावर लालसर रंग येईपर्यंत तांदूळ रवा भाजावा
• पाणी उकळायला ठेवावे. उकळी फुटल्यावर गुळ घालून विरघळू द्यावा.
• भाजलेला तांदूळ रवा टाकावा. एक दोन वाफा येऊ द्याव्यात. गोळा होईल असा शिजवून घ्यावा.
• ताटाला किंवा ओट्यावर तूपाचा हात फिरवावा
• ओलं खोबरं भुरभुरावं
• त्यावर शिजत असलेला गरम गरम गोळा घालावा व हलक्या हाताने गोळा पसरावा. (हात न भाजू देण्याची काळजी घ्यावी.)
• वरती पुन्हा ओलं खोबरं भुरभुरावं.
• थंड झाल्यावर वड्या कापाव्यात.
  
  साधारण ३० ते ३५ वड्या होतात.